Изилдөөнүн негизги максаты – философиялык антропологиянын концептуалдык маңызын, имманенттүү социалдык табиятын тастыктоо аркылуу социожаратылыштык жана социомаданий шартталган гуманисттик парадигмаларды социалдык-философиялык өңүттө ырааттуу изилдөө. Изилдөөнүн натыйжаларын келечек муундарды гуманисттик: альтруисттик, этикалык, экологиялык, эстетикалык тарбиялоодо; адамдын ааламдагы жашоо ордун, бактысын, зоболосун бийик тутуу; баалуулуктарды мурастоо; кооздук, сулуулук, сонундук менен асылдык, адептик сапаттарды айкалыштыруу; табият менен шайкеш жашоо сыяктуу асыл сапаттарды калыптоодо, жалпы эле социалдык-гуманитардык ишмердүүлүк чөйрөсүндө пайдаланууга болот.