Кыргыз элинин салттуу килем токуу кол өнөрчүлүгүн комплекстүү изилдөө жүргүзүлдү. Кыргыздардын салттуу килеминин негизин түзгөн жүндү жана андан жасалган жиптердин түрлөрүн килем токууга даярдоо, алардын боёо ыкмаларын ачып берүү жана килем жана килем буюмдарынын токуу куралдарынын даярдалышы изилденди. Салттуу килем токуу килем жана килем буюмдарынын түрлөрүн, аларга түшүрүлгөн көчөттөр, килем буюмдарын пайдалануу чөйрөсү көрсөтүлдү. Иштин практикалык мааниси биринчи кезекте тарых, маданият тарыхы боюнча фундаменталдуу изилдөө иштерин жазууда колдонула турган фактылык материалдардын бири болуп саналат.Тарыхчылардын, археологдордун, этнографтардын жана маданият таануучулардын изилдөө практикасында маанилүү жардамчы боло алат.Иштин жыйынтыгы менен тарыхый-маданий аймакты картага түшүрүү үчүн маалыматтык базаны түзсө болот.