Кыргыз элинин исламга чейинки көөнө ишенимдерин “Манас” эпосунун негизинде фольклордук дүйнө таануучулук жана социалдык-маданий өӊүттө талдоо, анимизм, тотемизм, шаманизм, фетишизм, теңирчиликтин эпосто эпикалык мотив катары келишин аныктоо, алардын эпостун сюжетин өнүктүрүүчү маанисин ачып көрсөтүү, окумуштуулардын көөнө ишенимдер боюнча илимий пикирлерин, алардын мазмунуна жана баалуулуктарына байланыштуу берген бааларын кароо болуп саналат.Диссертациянын натыйжалары жогорку окуу жайларда фольклордук чыгармачылыкты, анын ичинен, эпос жанрын, манастаанууну окутуп-үйрөтүүдө колдонууга болот. Мындан сырткары, кыргыз фольклору боюнча окуу-усулдук куралдарды, көрсөтмөлөрдү, колдонмолорду түзүүдө пайдаланса болот.