Колледждерде элдик акындардын чыгармаларын этнопедагогикалык негизде окутууну өркүндөтүүнүн эффективдүү жолдорун, ыкмаларын жана каражаттарын иштеп чыгуу, ал технологиялардын практикалык жактан натыйжалуулугун педагогикалык тажрыйбада текшерүүдөн өткөрүү. Илимий иштеги методикалык сунуштар кыргыз адабияты боюнча колледждердин окуу программаларын түзүүдө, окуу китептерин, методикалык колдонмолорду жазууда, университеттердин «Кыргыз адабиятын окутуу» дисциплинасынын мазмунун өркүндөтүүдө, колледж окутуучуларынын адистигин жогорулатуу курстарында, окутуучулардын чыгармачылык ишмердүүлүгүн көтөрүүдө пайдаланылышы мүмкүн. Диссертацияда коюлган милдеттердин жыйынтыктары студенттердин элдик педагогикага кызыгуусун жогорулатууга жардам берет.